İstifadə və satış şərtləri

Son yenilənmə: 2 noyabr 2026

Bu şərtlər ordubadbazar.az saytından və «Ordubad Bazar» mobil tətbiqindən istifadə, həmçinin onlar vasitəsilə məhsul sifarişi qaydalarını müəyyən edir. Sifariş göndərməklə bu şərtləri qəbul etmiş olursunuz.

1. Satıcı

«Ordubad Bazar» MMC, VÖEN 0400720381, hüquqi ünvan: AZ6900, Ordubad rayonu, Ordubad şəhəri, Heydər Əliyev, ev 41, mənzil 4. Əlaqə: info@ordubadbazar.az, +994 50 800 69 69. Rekvizitlər: Şirkət və rekvizitlər.

2. Məhsullar və qiymətlər

• Satılan məhsullar — Ordubad Kolleksiyasının əl işi taxta sandıqları və «Süfrə» karton qutusu, içində quru meyvə, çərəz və mürəbbə ilə.
• Qiymətlər Azərbaycan manatı (₼) ilə göstərilir. Sifarişin yekun məbləği sifariş səhifəsində və təsdiqdə göstərilir.
• Sayt və tətbiqdəki qaydalar (say, müddət, çatdırılma, qiymət) kolleksiya kataloqundakı (PDF) ümumi məlumatdan üstündür.
• Qutuların tərkibi ilin məhsuluna uyğun formalaşır; şəkillər dizaynı göstərir, təbii məhsulun görünüşü mövsümə görə cüzi fərqlənə bilər.

3. Sifariş

• Fərdi sifariş. Saytda və ya tətbiqdə göndərilən sifarişi menecerimiz zəng edib təsdiqləyir; sifariş menecer təsdiqindən sonra icraya qəbul olunur. Fərdi hədiyyədə qapağa ad yazılmır — hər ünvan üçün alıcının adı («kimə çatacaq») qeyd olunur.
• Zərnigar. Limitli sandıqdır (ildə 50 nömrəli nüsxə). Fərdi alış yalnız müraciətlə — Əlaqə səhifəsindən; korporativ sifarişdə Əlavə No 1 ilə rəsmiləşdirilir, alıcının adı qapaqda yox, Zərnigarla gələn özəl məktubda yazılır.
• Korporativ sifariş. Müqavilə və onun Əlavə No 1-i (tərkib, qapaq dizaynı — loqo qravürü, relyef və ya 24 əyar qızıl, say) ilə rəsmiləşdirilir. Müqavilə sifariş zamanı tam mətni ilə oxunub təsdiqlənir; şirkətin rekvizitləri (VÖEN, hüquqi ünvan, direktor, bank, ƏDV statusu, əlaqə şəxsi) tam doldurulmalıdır. İstehsal qapaq maketinin təsdiqindən və avans daxil olduqdan sonra başlayır.
• Sifarişdə göstərdiyiniz ad, telefon, ünvan və rekvizitlərin düzgünlüyünə sifarişçi cavabdehdir.

4. Ödəniş

Ödəniş üsulları və kartla ödənişin təhlükəsizliyi: Ödəniş və təhlükəsizlik.

5. Çatdırılma

Çatdırılma ərazisi, haqqı və müddəti: Çatdırılma şərtləri.

6. Ləğv və qaytarma

Sifarişin ləğvi, qüsurlu məhsulun əvəzlənməsi və pulun qaytarılması: Qaytarma və ləğv şərtləri.

7. Hesab

• Saytdakı «Otağım» bölməsinə telefon nömrənizə göndərilən SMS kodu və ya orada yaratdığınız şifrə ilə, tətbiqə isə e-poçt kodu və ya şifrə ilə daxil olursunuz. Şifrə ən azı 8 simvoldur; 5 səhv cəhddən sonra giriş 15 dəqiqə bağlanır.
• Hesabınıza girişi başqalarına verməyin; hesab adından edilən sorğulara hesab sahibi cavabdehdir.
• Hesabı istənilən vaxt silə bilərsiniz: Hesabın silinməsi.

8. İstifadə qaydaları

Saytdan və tətbiqdən yalnız qanuni məqsədlərlə istifadə edin. Onların işini pozmağa, başqasının hesabına daxil olmağa və ya yanlış məlumat göndərməyə yol verilmir; bu qaydalar pozulduqda hesab dayandırıla bilər.

9. Əqli mülkiyyət

«Ordubad Bazar» adı, loqosu, qutu adları, dizaynı, mətn və şəkillər «Ordubad Bazar» MMC-yə məxsusdur; icazəsiz istifadə olunmamalıdır. Sifarişçinin qapaq üçün yüklədiyi loqo yalnız həmin sifarişin hazırlanması üçün istifadə olunur.

10. Şəxsi məlumatlar

Şəxsi məlumatların emalı Məxfilik siyasəti ilə tənzimlənir.

11. Tətbiq olunan hüquq

Bu şərtlər Azərbaycan Respublikasının qanunvericiliyinə uyğun tənzimlənir. Mübahisələr danışıqlar yolu ilə, razılıq olmadıqda Azərbaycan Respublikasının məhkəmələrində həll edilir.

12. Dəyişikliklər

Şərtlər yenilənə bilər. Yeni versiya bu səhifədə «Son yenilənmə» tarixi ilə dərc olunur; artıq təsdiqlənmiş sifarişə təsdiq anındakı şərtlər tətbiq olunur.